Ciidanka Suuriya iyo Kuwa SDF ee Kurdiyiinta ayaa ogolaaday inay joojiyaan dagaalka dhimashada badan sababay ee Aleppo ka socda.
Ugu yaraan laba qof ayaa ku dhintay
dagaallo ka dhacay magaalada waqooyiga ee Aleppo intii lagu guda jiray
booqashada uu ku yimid waziirka arimaha dibada ee Turkiga Hakan Fidan dalkaan
Suuriya.
Ciidamada dowladda Suuriya iyo Ciidamada Dimuqraadiga Suuriya ee
ay hogaaminayaan Kurdiyiinta ayaa ku heshiiyeen inay joojiyaan dagaalka
magaalada Aleppo ee waqooyiga, kadib markii ay ka dheceen weerarro ay
ugu yaraan laba qof oo rayid ah ku dhinteen.
Wakaaladda wararka
ee dowladda Suuriya SANA ayaa soo xigatay wasaaradda difaaca ayadoo sheegtay in
taliska guud ee ciidanka suriya ay soo saareen amar ah in la joojiyo
bartilmaameedka dagaalyahanada SDF kadib markii dagaalladii dhimashada badan
sababay ay ka dhaceen intii uu booqasho ku joogay Wasiirka Arrimaha Dibadda
Turkiga Hakan Fidan.
Fidan, oo dalkiisu u arko SDF, oo maamusha qaybo ka mid ah
waqooyiga-bari Suuriya, inay tahay urur 'argagixiso', Fidan ayaa Isniintii
sheegay in SDF aysan u muuqan inay damacsan tahay inay fuliso ballanqaadkeeda
ahaa inay ku biirto ciidamada dowladda ka hor waqtiga la isku raacay ee ku
beegan dhammaadka sanadka.
Kadib warbixintii
SANA ee fiidkii Isniinta, SDF ayaa war-saxaafadeed dambe ku sheegtay in ay soo
saartay amar ah in la joojiyo jawaabta weerarrada ay fuliyaan ciidamada
dowladda Suuriya.